அண்ணா பல்கலைக்கழகத்தின் பொறியியல் கல்லூரியில் வேலை – யாரெல்லாம் விண்ணப்பிக்கலாம்..?

வயது வரம்பு :
அண்ணா பல்கலைக்கழகத்தில் உள்ள இப்பணியிடங்களுக்கு வயது வரம்பு குறித்த தகவல் அறிவிப்பில் இடம்பெறவில்லை.

சம்பள விவரம் :
அண்ணா பல்கலைக்கழகம் கிண்டி பொறியியல் கல்லூரியில் Teaching Fellow பதவிகளுக்கு மாதம் ரூ.25,000 சம்பளமாக வழங்கப்படும்.

கல்வித்தகுதி:
அண்ணா பல்கலைக்கழகத்தில் உற்பத்தி பொறியியல் துறைக்கு மெக்கானிக்கல் /உற்பத்தி/ ப்ரோடக்‌ஷன் பொறியியல் / ஸ்மார்ட் உற்பத்தி ஆகிய பாடப்பிரிவுகளில் B.E. / B.Tech மற்றும் உற்பத்தி/ ப்ரோடக்‌ஷன்/ கணினி ஒருங்கிணைந்த உற்பத்தி/ ரோபோட்டிக்ஸ்/ ஆட்டோமோஷன்/ CAD/CAM/மெகாட்ரானிக்ஸ்/ ஸ்மார்ட் உற்பத்தி அல்லது அதற்கு நிகரான பாடப்பிரிவுகளில் M.E. / M.Tech படித்தவர்கள் விண்ணப்பிக்கலாம்.

பயோமெடிக்கல் பொறியியல் துறைக்கு எலெக்ட்ரிக்கல் மற்றும் மக்கள் தொடர்பியல்/ எலெக்ட்ரானிக்ஸ் & இன்ஸ்ரூமெண்டேஷன்/ பயோமெடிக்கல்/ மெடிக்கல் எலெக்ரானிக்ஸ் ஆகிய பாடப்பிரிவுகளில் B.E. / B.Tech மற்றும் மெடிக்கல் எலெக்ரானிக்ஸ்/ பயோமெடிக்கல்/ பயோமெடிக்கல் இன்ஸ்ரூமெண்டேஷன் ஆகிய பாடப்பிரிவுகளில் M.E. / M.Tech முடித்தவர்கள் விண்ணப்பிக்கலாம்.

தேர்வு செய்யப்படும் முறை :
இப்பதவிகளுக்கு விண்ணப்பத்தாரர்களில் இருந்து தகுதியானவர்கள் தெரிவு செய்யப்படுவர். அவர்களுக்கு எழுத்துத் தேர்வு மற்றும் நேர்காணல் ஆகியவற்றின் அடிப்படையில் பணி வழங்கப்படும். தேர்வு செய்யப்படுபவர்களுக்கு 6 மாதக் காலத்திற்கு பணி வழங்கப்படும். அதனைத்தொடர்ந்து, பணி காலம் நீட்டிக்கப்படலாம்.

விண்ணப்பிக்கும் முறை :
அண்ணா பல்கலைக்கழக பொறியியல் கல்லூரியில் இப்பதவிகளுக்கு விண்ணப்பிக்க விரும்புகிறவர்கள் https://www.annauniv.edu/ என்ற இணைய முகவரியில் கொடுக்கப்பட்டுள்ள அறிவிப்பில் கொடுக்கப்பட்டுள்ள விண்ணப்பப்படிவத்தின் மூலம் ஆன்லைன் வழியாக விண்ணப்பிக்க வேண்டும். அறிவிப்பை பார்க்க இங்கே கிளிக் செய்யவும்.